مقبول اداکارہ ہانیہ عامر کی جانب سے بھارتی اداکارہ دپیکا پڈوکون کے انداز کو کاپی کرنے کی ویڈیو وائرل ہوگئی۔
ہانیہ عامر کی جانب سے شیئر کردہ تشہیری ویڈیو میں انہیں ہوبہو دپیکا پڈوکون کے انداز کو کاپی کرتے دیکھا جا سکتا ہے۔
اداکارہ کی ویڈیو کے پس منظر میں بھی دپیکا پڈوکون کی فلم ’اوم شانتی اوم‘ کا ڈائیلاگ اور گانے کو سنا جا سکتا ہے۔
اداکارہ نے دپیکا پڈوکون کی 2007 کی فلم ’اوم شانتی اوم‘ کے ایک منظر کو کاپی کیا، جس کی ویڈیو سوشل میڈیا پر وائرل ہوگئی۔
سوشل میڈیا صارفین نے ہانیہ عامر کی ویڈیو پر دلچسپ تبصرے کرتے ہوئے جہاں انہیں خوبصورت قرار دیا، وہیں ان پر تنقید بھی کی۔
بعض افراد نے سوالیہ انداز میں کمنٹس کیے کہ انہوں نے دپیکا پڈوکون کا روپ دھارا ہے، کیا وہ کسی نئی فلم میں نظر آنے والی ہیں؟
اداکارہ کی جانب سے شیئر کردہ ویڈیو وائرل ہوگئی، جسے دوسرے سوشل میڈیا پیجز کی جانب سے بھی شیئر کیا گیا۔
View this post on InstagramA post shared by Hania Aamir 哈尼亚·阿米尔 (@haniaheheofficial)
اداکارہ نے دپیکا پڈوکون کے تھیٹر ہال میں داخل ہونے کے منظر کو کاپی کیا، جس دوران میڈیا اور سیکڑوں مداح اداکارہ کی ایک جھلک دیکھنے کو بے تاب دکھائی دیتے ہیں۔
ہانیہ عامر کو ویڈیو میں گاڑی سے اترتے دکھایا گیا ہے جب کہ اداکارہ کے ارد گرد درجنوں مداح اور فوٹوگرافرز دکھائی دیتے ہیں جو کہ اداکارہ کی ایک جھلک دیکھنے کو بے تاب ہوتے ہیں۔