امریکی جج نے جو بائیڈن کے بارڈر پالیسی کے منصوبے کو روک دیا

ہم نیوز  |  May 22, 2022

ریاست ہائے متحدہ میں ایک جج نے بائیڈن انتظامیہ کے متنازعہ امیگریشن پالیسی کو ختم کرنے کے منصوبے کو روک دیا ہے۔ 

امریکی ضلعی جج رابرٹ سمر ہیس نے  ملک  بھر کے لیے حکم امتناع جاری کیا ہے ۔جس کے تحت امریکی صدر جو بائیڈن کی انتظامیہ کو ٹائٹل 42 کے نام سے جانی جانے والی پالیسی کو  ختم کرنے سے روک دیا گیا۔

سابق صدر ڈونلڈ ٹرمپ کی جانب سے عائد کردہ اس امیگریشن پالیسی کے تحت امریکی حکام میکسیکو سے آنے والے زیادہ تر غیر قانونی مہاجرین کو سرحد سے ہی ملک بدر کر سکتے ہیں۔

امریکی ریاست لوزیانا کے جج نے فیصلہ سناتے ہوئے کہا ہے کہ امریکی صدر جو بائیڈن کی انتظامیہ میکسیکو سے منسلک امریکی سرحد پر ان امیگریشن کے ضوابط کو منسوخ نہیں کرسکتی ہے۔

امریکہ میں ریپبلیکن پارٹی کے زیر حکومت ریاستیں ان ضوابط کا دفاع کرتی ہیں۔ ان ضوابط کی مدت آئندہ ہفتے پیر کے روز ختم ہو رہی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More